सहकारीकाे रकम ठगी गर्नेलाई कार्वाहीकाे माग गर्दै सहकारी पीडितहरूले काठमाडौँमा प्रदर्शन गरेका छन्। बुधबार माइतीघरदेखि नयाँ बानेश्वरसम्म प्रदर्शन गरेका हुन्।
उनीहरू सहकारीको रकम ठगी गर्नेलाई कार्वाही गर, सहकारीको पैसा फिर्ता गर, मंहगी अन्त्य गर भन्दै प्रदर्शनमा उत्रिएका छन्। उनीहरूले गुहार, गुहार लेखेका प्लेकार्ड बोकेर प्रदर्शन गरेका छन्।
प्रदर्शनमा प्रहरी दमन भएको भन्दै उनीहरूले प्रहरीविरुद्ध पनि नारा लगाएका छन्। सहकारी बचतकर्ता संरक्षण राष्ट्रिय अभियान (महासंघ)को अगुवाइमा प्रदर्शन भएकाे हाे।
