यही मंसिर १६ गते हुने स्थानीय तह उपनिर्वाचनका लागि जानकारी दिन निर्वाचन आयोगले कल सेन्टर सञ्चालनमा ल्याएकाे छ।

आज मंगलबारदेखि पैसा नलाग्ने ११०२ नम्बरको कल सेन्टर सञ्चालनमा ल्याएकाे आयोगले जानकारी दिएको छ।

जसमा मतदाताहरूको प्रश्न, निर्वाचन कार्यक्रम, मतदान प्रक्रियालगायत विषयमा फोनबाटै आयोगले जानकारी गराउने भएको छ।

निर्वाचनका सम्बन्धमा कुनै जिज्ञासा, गुनासा भए सम्पर्क गर्न आयोगका सहसचिव एवम् प्रवक्ता नीता पोखरेल अर्यालले बताएकी छिन्।