आईसीसी यू-१९ महिला टी-२० विश्वकप एसिया छनोटअन्तर्गतकाे अन्तिम खेलमा युएईले नेपाललाई ८४ रनको लक्ष्य दिएकाे छ।
युएईको अजमानस्थित द सेभेन रंगशालामा टस जितेर पहिले ब्याटिङ गरेको यूएईले निर्धारित २० ओभरमा ९ विकेट गुमाएर ८३ रन बनाएकाे हाे।
यूएईका लागि कप्तान समाइरा धर्निधरकाले सर्वाधिक ३१ रन बनाइन् भने रिनिथा रन्जितले २० रन बनाइन्। त्यसैगरी ओपनर लावन्या केनी र इन्दुजा नन्दाकुमारले समान १० रन बनाए।
नेपालका लागि कृष्मा गुरुङले ४ ओभरमा १७ रन दिएर ४ विकेट लिइन् भने रिया शर्मा र सीमा केसीले २-२ विकेट तथा रचना कुमारी चौधरीले १ विकेट लिइन्।
