छठ पर्वको मुख्य दिन आज साँझ अस्ताउँदो सूर्यलाई अर्घ्य दिएर मनाइएकाे छ।
कात्तिक शुक्ल चतुर्थीदेखि सप्तमीसम्म छठ पर्व मनाउने गरिन्छ।
भोलि बिहान उदाउँदो सूर्यलाई अर्घ्य दिएपछि यस वर्षको छठ पर्व विधिपूर्वक समापन हुन्छ।
बर्तालुले आज रातभर जाग्राम बसेर भोलि बिहान उदाउँदो सूर्यलाई अर्घ्य दिएर याे पर्व मनाउने गर्छन्।
काठमाडाैँ उपत्यकाका नदी किनारमा छठमा पुजा आराधाना गर्ने श्रद्धालुले लागेकाे छ। यही अवसरमा काठमाडाैँकाे कमलपाेखरीमा पनि श्रद्धालुकाे घुइँचाे छ।
