यस वर्षको मनसुन याममा गत वर्षभन्दा पाँच गुणाले मानवीय क्षति भयो।
यस वर्षको मनसुन गत जेठ २८ गते भित्रिएको थियो भने असोज २६ गते बाहिरियो।
सरदरभन्दा छिटो भित्रिएको र ढिला बाहिरिएको मनसुनले यस वर्ष ठूलै विपद निम्त्यायो।
राष्ट्रिय विपद जोखिम न्यूनीकरण तथा व्यवस्थापन प्राधिकरणका अनुसार यसपालि गत वर्षको तुलनामा ५ सय ३७ प्रतिशतले बढी मानवीय क्षति भयो।
गत जेठ २८ देखि असोज २६ गतेसम्मको अवधिमा ४ सय ९४ जनाको मृत्यु भएको थियो। ६६ जना बेपत्ता, ५ सय ३२ जना घाइते भएको प्राधिकरणले जानकारी दिएको छ।
