अमेरिकी राष्ट्रपतिका डोनाल्ड ट्रम्पले भविष्यमा आजको दिनलाई फर्केर हेर्दा आफ्नो जीवनको सबभन्दा महत्त्वपूर्ण दिनमध्ये एक मान्ने बताएका छन्।
फ्लोरिडास्थित आफ्नो निर्वाचन अभियानको मुख्यालयमा उपस्थित समर्थकहरूलाई सम्बोधन गर्दै उनले यस्ताे बताएका हुन्।
रिपब्लिकन पार्टीबाट राष्ट्रपतिका उमेदवार बनेका ट्रम्पले अमेरिकाले आफूहरूलाई अभूतपूर्व र बलियो जनादेश दिएको बताए।
साथै उनले आफ्नो आगामी कार्यकाल अमेरिकाका लागि स्वर्ण युग हुने दाबी गरे।
‘यो अमेरिकाको लागि स्वर्ण युग हुनेछ। यो अमेरिकी जनताको लागि ठूलो विजय हो। अमेरिकाले हामीलाई अभूतपूर्व र शक्तिशाली जनादेश दिएको छ’, उनले भने।
