साफ च्याम्पियनसिप: आज नेपाल माल्दिभ्ससँग भिड्दै

बिएल संवाददाता

काठमाडौँ

• • •

साफ च्याम्पियनसिपको १३औं संस्करण आज शुक्रबारबाट माल्दिभ्समा सुरु हुँदैछ।

मालेस्थित राष्ट्रिय फुटबल स्टेडियममा हुने साफ च्याम्पियनसिपमा पाँच राष्ट्रको सहभागिता रहेको छ। यस पटक आयोजक माल्दिभ्स, नेपाल, भारत, बंगलादेश र श्रीलंकाको सहभागिता रहेका छन्।

लिगमा पाँचै टोलीले एक अर्काविरुद्ध खेल्नेछन् र, लिग चरणको खेलपछि शीर्ष दुई टोलीले उपाधिका लागि असोज ३० मा प्रतिस्पर्धा गर्ने छन्।

१३ औं साफको पहिलो दिन शुक्रबार दुई खेलहरु हुनेछन्। पहिलो खेलमा श्रीलंका र बंगलादेश भिड्ने छन्।

दोस्रो खेलमा नेपालले आयोजक तथा साविक विजेता माल्दिभ्सविरुद्ध प्रतिस्पर्धा गर्नेछ। नेपाल र माल्दिभ्सबीचको खेल नेपाली समय अनुसार राति ९:४५ बजे सुरु हुनेछ।

• • •