दसैँकाे माहाेल सुरू भइसकेकाे छ। दसैँ सुरू भएसँगै चङ्गा उडाउने र पिङ लगाउने पनि चलन छ। भनिन्छ नि, दसैँमा एक पटक भुईं छाड्नुपर्छ।

तर रमाइलाेकाे लागि मात्र हाेइन पिङ खेल्नु स्वास्थ्यकाे लागि पनि फाइदाजनक छ।

साधारणतया दसैँ भनेकै मासुकाे पर्व भन्ने बुझिन्छ। त्यसैले त्याे चाडमा मानिसहरू ज्यादाभन्दा ज्यादै मासुकाे सेवन गर्छन्। यसाे हुनाले मासुजन्य परिकार वा चिल्लोचाप्लो परिकार पचाउनै गाह्रो हुन्छ।

यस्तो अवस्थामा लिङ्गे पिङ खेल्नुको खास फाइदा छ। पिङ खेल्दा हाम्रो पेटको राम्रो व्यायम हुनपुग्छ। यसरी लिङ्गे पिङको सम्बन्ध पेटको स्वास्थ्यसँग पनि जोडिएको छ।

त्यसैले दसैँमा परम्परा धान्नका लागि मात्र होइन, तन्दुरुस्ती र रोमाञ्चकताका लागि पनि लिङ्गे पिङ खेल्नुपर्छ।