काठमाडौँको विभिन्न ठाउँबाट एक लाख बढी लागूऔषध ट्याबलेटसहित ६ जनालाई प्रहरीले पक्राउ गरेको छ।

लागूऔषध नियन्त्रण ब्यूरो काठमाडौँले ‘अपरेशन अलट्राज’ अन्तर्गत ६ जनालाई १ लाख ८० हजार ४ सय ३० वटा लागूऔषध ट्याबलेटसहित पक्राउ गरेको हो।

पक्राउ पर्नेमा काठमाडौँ गोकर्णेश्वर नगरपालिका-७ माकलबारीका ३० वर्षीय बहादुर राई, सर्लाहीको हरिपुर नगरपालिका-१ का २२ वर्षीय विपीन कुमार महतो, पर्वतको महाशीला गाउँपालिका-५ का २७ वर्षीय बालकृष्ण अधिकारी, झापा अर्जुनधारा नगरपालिका नगरपालिका-१ की ३२ वर्षीया सम्झना रोक्का र बाराको परवानीपुर गाउँपालिका-३ का ३४ वर्षीय प्रदीप सर्राफ रहेका छन्।

उनीहरू भदौ १८ गतेदेखि असोज २ गतेसम्म काठमाडौँको विभिन्न ठाउँबाट पक्राउ परेका हुन्। उनीहरूमाथि काठमाडौँ जिल्ला अदालतबाट म्याद थप भइ अनुसन्धान भइरहेको लागूऔषध नियन्त्र ब्यूरोका प्रवक्ता तथा सूचना अधिकारी प्रहरी उपरीक्षक रामेश्वर कार्कीले जानकारी दिए।