नेपालगञ्जमा धारिलो हतियार प्रहार गरी एक समूहले पुरूषकाे हत्या गरेकाे छ।
नेपालगञ्ज उपमहानगरपालिका-११ निवासी ३८ वर्षीय इरसद राईको शुक्रबार राति करिब साढे १० बजेतिर हत्या भएको जिल्ला प्रहरी कार्यालय बाँकेले जनाएको छ।
लागुऔषध दुर्व्यशनीकर्ताबीचको आपसी विवाद भएको प्रहरीको प्रारम्भिक अनुसन्धानमा देखिएको छ।
घाइते भएका राईलाई तत्कालै भेरी अस्पतालमा लगिएकोमा उपचारका क्रममा उनको मृत्यु भएको थियो।
घटनामा प्रयोग भएको मोटरसाइकल प्रहरीले नियन्त्रणमा लिएको छ। थप अनुसन्धान भइरहेको जिल्ला प्रहरी कार्यालय बाँकेले जनाएको छ।
