गजलः सधैँ हतारमा छ जिन्दगी

• • •

सफल हुँदैन, जबसम्म दोधारमा छ जिन्दगी ।
मान या नमान, तबसम्म हारमा छ जिन्दगी ।।

“धोबिको कुकुर घरको न घाटको” भनेजस्तै
यता न उता आफ्नो त संघारमा छ जिन्दगी ।।

सबैको भाग्यमा कहाँ लेखेको हुन्छ र महल
हो अचेल धेरैको यहि बजारमा छ जिन्दगी ।।

चाहिएको मिलेन, मिलेकोमा रमाउन सकिएन
कुनै आकर नभएको निराकारमा छ जिन्दगी ।।

न जन्मदा केहि ल्याइन्छ, न मर्दा केहि लगिन्छ
खै फेरि केका लागि सधैँ हतारमा छ जिन्दगी ।।

• • •

प्रतिक्रिया

टिप्पणीहरू छैनन्। तपाईं पहिलो बन्नुहोस्!

२ .

बिएल संवाददाता

गजलः सधैँ हतारमा छ जिन्दगी