कान्तिपुर मिडिया ग्रुपका अध्यक्ष कैलाश सिरोहियालाई वंशजको नागरिकता दिने तत्कालीन प्रमुख जिल्ला अधिकारी र शाखा अधिकृतविरुद्ध पक्राउ पुर्जी जारी भएकाे छ।

जिल्ला अदालत धनुषाले तत्कालीन प्रमुख जिल्ला अधिकारी शरदकुमार भट्टराई र प्रतिलिपि दिने तत्कालीन शाखा अधिकृत काशिराज दाहालविरुद्ध बिहीबार पक्राउ पुर्जी जारी गरेको हाे।

नागरिकतासम्बन्धी मुद्दामा अनुसन्धानमा रहेका सिरोहियालाई बुधबार हाजिरी जमानीमा रिहा गरिएको थियाे।

सिरोहिया ९ दिनपछि हिरासतमुक्त भएलगत्तै उनलाई नागरिकता दिनेहरूमाथि अनुसन्धान प्रक्रिया अघि बढाइएको हो।

स्वास्थ्य समस्याका कारण उपचारका लागि धनुषाबाट काठमाडौँ ल्याइएका सिरोहियालाई जिल्ला प्रहरी कार्यालय ललितपुरमा बोलाएको बेला हाजिर हुने कागज गरेर जमानतमा छोडिएको थियाे।

सिरोहियालाई नागरिकतासम्बन्धी मुद्दामा अनुसन्धानका लागि जिल्ला अदालत धनुषाको आदेशमा गत जेठ ८ गते प्रहरी पक्राउ गरी अनुसन्धान गरिरहेको छ।