राेयल च्यालेन्जर्स बैंग्लाेर इन्डियन प्रिमियर लिग (आइपिएल)काे उपाधि हाेडबाट बाहिरिएकाे छ। एलिमिनेटरमा राजस्थान राेयल्ससँग ४ विकेटले पराजित हुँदै बैंग्लाेर उपाधि हाेडबाट बाहिरिएकाे हाे।
बैंग्लाेरले दिएकाे १ सय ७३ रनकाे लक्ष्य राजस्थानले १९ ओभरमा ६ विकेट गुमाएर पूरा गर्याे।
राजस्थानका यशस्भी जैसवालले ४५, रियान परागले ३६, शिमराेन हेटहेयरले २६ तथा कप्तान सन्जु सामसनले १७ रन प्रहार गरे।
बैंग्लाेरका माेहमद सिराजले २ विकेट लिए।
यसअघि टस हारेर पहिले ब्याटिङ गरेकाे बैंग्लाेरले निर्धारित २० ओभरमा ८ विकेट गुमाएर १ सय ७२ रन बनाएकाे थियाे।
बैंग्लाेरका लागि विराट काेहलीले ३३, रजट पतिदरले ३४, महिपाल लाेम्राेरले ३२ तथा क्याम्राेन ग्रिनले २७ बनाएका थिए।
राजस्थानका अभेष खानले ३ तथा रवीचन्द्र अश्विनले २ विकेट लिए।
राजस्थानले अब फाइनल प्रवेशका लागि दाेस्राे क्वालिफायरमा शुक्रबार सनराइजर्स हैदरवादकाे सामना गर्नेछ।
क्वालिफायर विजेता टाेलीले उपाधिका लागि कोलकाता नाइट राइडर्ससँग प्रतिस्पर्धा गर्नेछ।
