इलाम-२ मा भएको प्रतिनिधिसभा सदस्य निर्वाचनको मतगणनामा नेपाली कांग्रेसले आफ्नो अग्रता कायमै राखेको छ।
पछिल्लो विवरणअनुसार कांग्रेसका डम्बरबहादुर खड्काले १६४३ मत प्राप्त गरेका छन् भने एमालेका सुहाङ नेम्वाङले १६०१ मत प्राप्त गरेका छन्।
त्यस्तै स्वतन्त्र उम्मेदवार डकेन्द्र थेगिमले ४३७ मत प्राप्त गरेका छन् भने राष्ट्रिय स्वतन्त्र पार्टी (रास्वपा)का मिलन लिम्बुले ३०५ मत प्राप्त गरेका छन्।
इलाममा शनिबार भएको उपनिर्वाचनमा ६९ हजार दुई सय ८७ अर्थात् ५९ दशमलव ७९ प्रतिशत मत खसेको थियो। सो क्षेत्रमा एक लाख १५ हजार आठ सय ८९ मतदाता थिए।
उपनिर्वाचनमा १२ राजनीतिक दलका र सात स्वतन्त्रसहित १९ जना चुनावी प्रतिस्पर्धामा छन्।
