त्रिशूली नदीमा ट्याक्सी खस्दा मृत्यु भएका पाँच जनाको परिचय खुलेको छ।
मृत्यु हुनेमा ट्याक्सी चालक गोर्खा नगरपालिका–७ का ३५ वर्षीय अर्जुन सिर्मल, सोही ठाउँका ४१ वर्षीया हरिमाया रोका, ७० वर्षीया जुनकिरी रोका, २८ वर्षीया अञ्जना रोका र नौ वर्षीय बालक आगमन नगरकोटीको मृत्यु रहेका छन्।
१८ वर्षीय दिवस रोका अझै बेपत्ता छन्।
काठमाडौँबाट गोर्खा जाँदै गरेको बा २ ज ४१९६ नम्बरको ट्याक्सी आज बिहान ७ः१५ बजे चितवनको इच्छाकामना गाउँपालिका–५ स्थित पृथ्वी राजमार्गको सिमलधारा नजिक सडकबाट त्रिशूली नदीमा खसेको थियो।
