बोन धर्मको विश्वकै दोस्राे ठूला लामा मेन्री पोन्लप ठिन्ले रिम्पाछे नेपाल आएका छन्।
भारतको हिमालच प्रदेशस्थित सोलनमा रहेको मेन्री गुम्बामा बस्दै आएका पोन्लप रिम्पोछे डोल्पाे समाजले काठमाडौंको निमार्ण गरेको गुम्बा उद्घाटनका लागि बुधबार त्रिभुवन अन्तर्राष्ट्रिय विमानस्थल हुँदै नेपाल आएका छन्।
डोल्पा छार्काका रिम्पोछे बोन धर्मको विश्वकै दोस्रो ठूला लामा हुन्। उनी भारतको हिमालचलस्थित सोलनको दोलन्जीमा रहेको मेन्री गुम्बामा बस्दै आएका छन्।
नेपाल बोन बुधिष्ट महासंघका अध्यक्ष घेसे खेम्पो निमा कुन्म्याप रिम्पोछे तथा डोल्पो समाजका अध्ययक्ष निमा लामा रिम्पोछेलगायत डोल्पालीहरूले पोन्लप रिम्पोछेलाई त्रिभुवन अन्तर्राष्ट्रिय विमानस्थलमा भब्य स्वागत गरेको थिए।
रिम्पोछेको सहभागीतामा बिहिबारदेखि काठमाडौंको बौद्धस्थित डोल्पाे समाजको नवनिमीत भवनमा विशेष पूजा गरिने छ। त्यसैगरी, माघ ६ गते समाजद्वारा निर्मित्त गुम्बाको प्रधानमन्त्री प्रचण्डले उद्घाटन गर्ने कार्यक्रम रहेको छ।
माथिल्लो डोल्पा ३ गाउँपालिका मिलेर उक्त गुम्बा बनाएका हुन्। डोल्पाको छार्कातान्छेन, डोल्पो बुद्ध र सेफोक्सुन्डो गाँउपालीका मिलेर गुम्बा निमार्ण गरेको हुन्।
