त्रिकोणात्मक टि- २० अन्तर्राष्ट्रिय सिरिज अन्तर्गत हङकङ र नेपालबीचको जारी खेलमा नेपालले हङकङविरुद्ध मध्यम ब्याटिङ गरिरहेको छ।
शनिबार मूलपानी क्रिकेट रगंशालमा टस जितेर पहिला ब्याटिङ गरेको नेपालले ९ ओभरमा ६७ बनाउँदा ४ विकेट गुमाएर खेलिरहेको छ। हङकङविरुद्ध नेपालले मध्यम ब्याटिङ गरिरहेकाे छ।
नेपालका ओपनर कुशल भुर्तेल २ रन बनाएर आउट भएसँगै नेपालले खराब सुरुआत गरेको थियो।
त्यस्तै नेपालका लागि सोमपाल कामीले ८ रन बनाएर आउट भएका छन्। उनले जारी खेलमा एक चौका प्रहारसमेत गरे।
त्यस्तै नेपालका अर्का ओपनर आशिफ शेख २० रन बनाएर आउट भए। आशिफले जारी खेलमा ३ चौका प्रहार गरे।
नेपालका कप्तान रोहित पौडेल ११ रनमा आउट भएपछि नेपालको संकटमा परेकाे छ।
यद्यपि, अहिले कुशल मल्ल र दीपेन्द्रसिंह ऐरीले नेपालकाे खेल लयमा ल्याउने प्रयास गरिरहेका छन्।
.jpg)
.jpg)
