अमेरिकाको ग्रिनकार्ड लिने नेपालीको संख्या एकलाख ७० हजार तीनसय ८८ पुगेको छ ।
अमेरिकाको डिपार्टमेन्ट अफ होमल्याण्ड सेक्युरिटीले सार्वजनिक गरेको पछिल्लो आधिकारिक तथ्याङ्क हो यो ।
यो तथ्याङ्क आर्थिक वर्ष २०२२ सम्मको हो । आर्थिक वर्ष २०२३ को आधिकारिक तथ्याङ्क भने बाहिर आइसकेको छैन ।आर्थिक वर्ष २०२२मा १२ हजार १० नेपालीले ग्रीनकार्ड पाएका थिए । आर्थिक वर्ष २०२३ मा पनि कम्तीमा १० हजार नेपालीले ग्रीनकार्ड पाउक्ने हुँदा ग्रीनकार्ड पाउने नेपालीको संख्या एकलाख ८० हजारभन्दा उकालै नाघेको अनुमान गर्न सकिन्छ ।
अमेरिकाले अहिलेसम्म नेपालीले पाएको ग्रीनकार्ढलाई तीन खण्डमा बाँडेर सार्वजनिक गरेको छ ।
पहिले खण्डमा सन् १९८९ देखि २००२ सम्म ग्रीनकार्ड पाउँनेको संख्या उल्लेख छ । यस अविधमा अमेरिकाको ग्रीनकार्ड पाउँनेको संख्या पाँचहजार सातसय ७८ मात्र रहेको छ ।
दोस्रो खण्डमा आर्थिक बर्ष २००३ देखि सन् २०१० सम्मको संख्या उल्लेख छ । यस कालखण्डमा ३१ हजार २२ नेपालीले अमेरिकाको ग्रीनकार्ड पाएका छन् ।
तेस्रो खण्डमा आर्थिक बर्ष २०११ देखि सन् २०२२ सम्मको तथ्याङक् उल्लेख छ । यस कालखण्डमा एकलाख ३३ हजार पाँचसय ८८ नेपालीले अमेरिकाको ग्रीनकार्ड पाएका छन् ।
यसरी तीन कालखण्डमा बाँडिएको तथ्यांक हेर्दा पछिल्लो एक दशकमा अमेरिकी ग्रीनकार्ड पाउँनेको ग्राफ ठाडोे उकालो भएको देखिन्छ । मात्र ११ वर्षमा एकलाख ३३ हजार पाँचसय ८८ नेपालीले ग्रीनकार्ड लिनुले ठूलो संख्यामा नेपालीले अमेरिका बसाइ सरेको देखाउँछ ।
