मुलुकलाई राजनीतिक निकास दिन रेशम चौधरीको रिहाइ: मन्त्री लिम्बु

सङ्घीय युवा तथा खेलकुदमन्त्री डिगबहादुर लिम्बुले देशलाई राजनीतिक निकास दिन रेशम चौधरीलाई रिहा गरिएको बताएका छन्।

विराटनगर विमानस्थलमा मंगलबार सञ्चारकर्मीहरुसँग संक्षिप्त कुरा गर्दै उनले कहिलेकाहीँ केही अप्रिय लाग्ने घटनाको बाध्यात्मक अवस्था आएको कारणले मुलुकलाई निकास दिनका लागि रिहाइको निर्णय गरिएको स्पष्ट पारे।

मन्त्री लिम्बुले थरुहट आन्दोलनका समयमा चौधरी संलग्न थियो कि थिएन, यो महत्वपूर्ण भएको हो भन्दै यसैका आधारमा सरकारले निर्णय गरेको जानकारी दिए।

उनले उक्त्त घटनामा परिवारका सदस्य गुमाएका परिवारलाई पुगेको दुःख अनुभव गरेको भन्दै पूर्ववती सरकारले समेत चौधरीलाई छोड्ने तयारी गरेको अवस्थामा वर्तमान सरकारले कार्यान्वयन मात्र गरेको बताए।

मन्त्री लिम्बुले युवा तथा खेलकुद मन्त्रालय सरकारको प्राथमिकतामा पार्नका लागि समयानुकुल ऐन नियम परिमार्जन गरी अगाडि बढ्ने धारणा राखे। उनले ठूलो युवा समूहसँग जोडिएको यो मन्त्रालयलाई आगामि दिन सुधार गरी लैजाने स्पष्ट पारे।

प्रकाशित मिति: : 2023-05-30 14:17:00

प्रतिकृया दिनुहोस्