विगत १० वर्षदेखि प्राङ्गारिक (कम्पोष्ट)मल बनाउँदै आएका मोरङ, बुढीगंगा–२ का राजुकुमार खड्काको हातमा प्रायः गोबर नै हुन्छ । मल निर्माणका क्रममा क्यारेट उचाल्दाका चोट उनको खुट्टामा छन् ।

सडकमा फालिएका कुहिने फोहोर देखे उनी बोकेर ल्याउँछन् । कुहिने प्रजातिका केराको दाम्चा, जलकुम्भीजस्ता कुहिने वस्तु जहाँ भेटे पनि सिटी रिक्सामा वा आफैँ बोकेर ल्याउँछन् र कुहाउँछन् । अत्याधिक शारीरिक श्रमका कारण उनको शरीर पनि ख्याउटे छ । तर, उनको सोच र सन्तुष्टि भने अतुलनीय छ । त्यसको एउटै कारण हो आम्दानी ।