पुर्वगृहमन्त्री, बहालवाला सचिवलगायत दर्जन व्यक्ति हिरासतमा छन्। भुटानी शरणार्थी बनाएर अमेरिका लैजाने भनी नेपालीलाई ठगी गरी संगठित अपराध गरेको अभियोग छ। यो विषयमा प्रहरीले अनुसन्धान गरिरहेको छ।
ठूला–ठूला अपराधमा धेरै जनाको संलग्नता हुन्छ। न राजनीतिज्ञले एक्लो गर्न सक्छ, न त कर्मचारी एक्लैले नै। संगठित अपराधमा दलाल, व्यावसायिक घराना पनि जोडिएका हुन्छन्। नेता, कर्मचारीलाई गलत काम गर्न प्रलोभन दिन्छन्। त्यसबाट हुने नाफा बाँडीचुँडी खान्छन्। कर्मचारी प्रशासन अहिले बिग्रेको छ। राजनीतिक नेतृत्व भ्रष्टाचारमा लिप्त भएका कारण पनि कर्मचारी संयन्त्र बिग्रेको छ। राजनीतिक शक्तिको प्रयोगबाट मुद्दा शिथिल बनाउने,
