मेरो भविष्य नेपालमा सुरक्षित छ ? भनेर सोध्ने सन्तानको उत्तार कता गएर खोज्ने ? खाडी, युरोप, वैदेशिक रोजगार भन्ने मानसिकताबाट हामीले सन्तानलाई कसरी जोगाउने ?
प्रसंग एक : ‘खाडीमा भेटौंला, युरोप यात्रा सफल रहोस्, वैदेशिक यात्रा सफल रहोस्। यी वाक्यहरू उमेर पुगिसकेका परिपक्व मानिसले भनेका होइनन्। स्कुले पढाइ भर्खरै सकेर कलेज यात्रा आरम्भ गर्न लागेका नाबालिग भाइबहिनीको लेखाइ हो। उनीहरूले स्कुलको अन्तिम दिन आआफ्ना सर्टमा कोरिएका भावना हुन्। जुन तस्बिर सामाजिक सञ्जालमा अहिले भाइरल छ। मुटु नै कटक्क काटिने यो तस्बिरमा मानिसले सरकार र देशको सिस्टमलाई गाली गरिरहेछन् त कहिले ब्यंग्यसमेत गरेका छन्।
