एसियन क्रिकेट काउन्सिल (एसीसी) प्रिमियर कप अन्तर्गत समूह चरणको अन्तिम खेलमा नेपाले कतारलाई १ सय ५८ रनको लक्षय दिएको छ।
बिहीबार कीर्तिपुरस्थित त्रिवि मैदानमा टस हारेर ब्याटिङ गरेको नेपालले निर्धारित ४०.३ ओभरका सबै विकेट गुमाएर १ सय ५७ रन बनाएर अल आउट भयाे।
कतारका खेलाडीहरुकाे कसिलाे बलका अगाडि नेपाल ब्याट्स म्यानहरु टिक्न सकेनन्। नेपालका सन्दीप लामिछाने र कप्तान राेहितकुमार पाैडेलबाहेक अन्य ब्याट्स म्यान चल्न सकेनन्। ५८ बलकाे सामना गरेका सन्दीपले अविजित ४१ रन बनाए। भने, कप्तान पाैडेलले २७ रन बनाए।
ओपनर कुशल भुर्तेल दुई ओभरमा २ रन बनाएर आउट हुँदा भीम सार्कीले पनि ४ रन मात्रै बनाउन सके।
त्यस्तै असिफ शेखले २७, कुशल मल्लले ३, सोमपाल कामीले ११, दिपेन्द्र सिंह ऐरीले १२, गुलशन झाले ७ र १७ बलकाे सामना गरेका ललित राजवंशीले मात्रै १ रन बनाए।
नेपाललाई सस्तैमा समेट्न कतारका लागि अमिर फारिक र ओवाइस अहमदलले समान ३/३ तथा गयान मुनवारा २ विकेट लिए।
याे खेल जिते नेपाल समूह विजेता बन्नेछ। नेपाल यसअघि नै सेमिफाइनलमा पुगिसकेकाे छ।
कतार भने एक खेल पनि जित्न नसकेर समूह चरणबाटै बाहिरिएकाे छ।
.jpg)
