विश्व व्यवस्थालाई सही राख्न अमेरिकी रेकर्ड त्रुटिपूर्ण छ तर विश्वका अन्य देशका मामलाबाट आफूलाई अलगथलग राख्ने दिशामा अमेरिका अगाडि बढ्दा यसबाट सबै भन्दा बढी फाइदा सी चिनफिङ र भ्लादिमिर पुटिनलाई हुनेछ।
गत साता अमेरिकाको विश्वव्यापी नेतृत्वलाई ठूलै झट्का लाग्यो।
अटलान्टिक महासागरका दुवै किनाराका राजनीतिज्ञ तथा पण्डितहरू एकबद्ध भएर २० वर्षअघि जर्ज डब्लु बुस र टोनी ब्लेयरले गरेको इराक आक्रमणको निन्दामा उत्रे। यही अवधिमा अमेरिकी कंग्रेसले अन्यत्र देशमा सैनिक कारबाही चलाउन राष्ट्रपतिमा रहेको यसअघिको अधिकार फिर्ता लिने प्रक्रिया अगाडि बढायो।
