काठमाडाैँकाे सुकेधारामा रहेकाे ‘सिगल इन्टरनेश्नल ग्लाेबल एचआर कन्सल्ट’ले राेजगारीकाे लागि मानिसहरुलाई विदेश पठाउने नाममा ठगी धन्दा चलाउने गरेकाे खुलासा भएकाे छ।
उसले विभिन्न मुलुकबाट फ्रि भिसा र फ्रि टिकटमा डिमाण्ड ल्याएर यता नेपालमा चर्काे पैसा लिएर मानिसहरु पठाउने गरेकाे खुलासा भएकाे छ।
‘सिगल इन्टरनेश्नल ग्लाेबल एचआर कन्सल्टले केही दिन अगाडि कतारकाे अल्माना कम्पनीले फ्रि भिसा र फ्रि टिकटमा मान्छे मगाएकाे थियाे। याे कम्पनीले यहाँ एक जनाबाट १ लाख ४५ हजारका दरले पैसा लिएर ठगी गरेकाे छ,’ स्राेतले बिएल नेपाली सेवासँग भन्याे।
यसरी सिगल इन्टरनेश्नल ग्लाेबल एचआर कन्सल्टले बाहिरबाट नि:शुल्क भिसा ल्याउने र नेपालका कामदारसँग चर्काे पैसा उठाएर ठगी गरेकाे पाइएकाे छ।
यसरी कम्पनीले फ्रिस भिसा र फ्रि टिकट दिएकाे अवस्थामा विदेश जानकाे लागि कामदारले १५ हजार रुपैयाँ मात्रै शुल्क बुझाउनुपर्ने भए पनि सिगल इन्टरनेश्नल ग्लाेबल एचआरले विभिन्न बहानमा लाखाैँ पैसा लिने गरेकाे र तिरेकाे पैसाकाे बिल माग्दा उपलब्ध नगराएकाे कामदारहरुकाे गुनासाे रहेकाे छ।
‘सिगलले कामदारहरुसँग १ लाख ४५ हजारका दरले पैसा उठाएकाे छ तर त्यहाँ जान जम्मा १५ हजार पैसा लाग्ने रहिछ। यत्राे पैसा के–के शीर्षकमा खर्च भयाे भनेर बिल माग्दा बिल पनि दिँदैन। याे सिधैं ठगी भयाे नि,’ एक पीडितले भने।
