दाङमा माेटरसाइकलमा लिफ्ट दिएका एक युवकले १३ वर्षीया बालिकालाई बलात्कार गरेका छन्।
बालिकालाई बलात्कार गरेको आरोपमा लमही नगरपालिका– ९ रिहारका २२ वर्षीय अनोवरकुमार यादव पक्राउ परेका छन्।
जिल्ला प्रहरी कार्यालयका एसपी वीरबहादुर वलीका अनुसार गत पुस २१ गते साँझ ५ बजे बालिकाले परीक्षा दिएर घर फर्कदै गर्दा बाटाेमा लिफ्ट मागेकी थिइन्। बालिकालाई लिफ्ट दिने बहानामा युवकले भरकुण्डी जंगलमा लगेर बलात्कार गरेर फरार भएका थिए।
लगत्तै बालिकाले घटनाबारे प्रहरीमा खबर गरेपछि विहिवार नै युवकलाई प्रहरीले पक्राउ गरिएकाे हो। घटनाबारे थप अनुसन्धान भइरहेको प्रहरीले जनाएको छ।
