अमेरिकामा समलिङ्गी र अन्तरजातीय विवाह संरक्षित हुने भएको छ।

अमेरिकी संसदको माथिल्लो सदन सिनेटमा १२ रिपब्लिकनसहित ६२ सिनेटरले बाइपार्टिसन बिधेयक पारित गरेपछि समलिङ्गी र अन्तरजातीय विवाह संरक्षित हुने भएको हो ।

यो विधेयक अब  अमेरिकी संसदको तल्लो सदन हाउस अफ रिप्रेजेन्टेटिब्समा पारित भएर अनुमोदनका लागि राष्ट्रपतिको डेस्कमा जानुपर्ने हुन्छ । 

यसअघि यो विधेयकको संस्करण ५० रिपब्लिकनसहित सबै डेमोक्र्याटले अनुमोदन गरेकाले यो परिमार्जित विधेयक पारित हुने अपेक्षा गरिएको छ ।  

अर्को साता अमेरिकी संसदको तल्लो सदन हाउस अफ रिप्रेजेन्टेटिब्समा बिधेयक पेश गरिने कार्यतालिका रहेको बताइएको छ। 

विधेयकमा संघीय सरकारले समलिङ्गी विवाह र अन्तरजातीय विवाहलाई मान्यता दिने प्रावधानको सुनिश्चितता प्रदान गर्नेछ । यदि जोडीले समलिंगी विवाह मान्यता नदिने राज्यमा बसाईसराई गरेपनि कुनै समस्या हुने छैन ।विधेयकले १९९६ मा पारित विवाह रक्षा ऐनलाई पनि खारेज गर्ने छ।