१२ मंसिर, डोटी । सत्ता गठबन्धनबाट डडेल्धुरा प्रदेश सभा २ मा उम्मेदवार हुन चाहन्थे डा. तारा प्रसाद जोशी ।
नेकपा एकीकृत समाजवादीका केन्द्रीय सदस्य समेत रहेका डा. जोशीलाई उनको पार्टीले सो क्षेत्रबाट सर्वसम्मत सिफारिस पनि गरेको थियो तर उनलाई टिकट दिइएन ।
प्रतिनिधि सभाका लागि एक र प्रदेश सभाका लागि दुई सिट रहेको डडेल्धुरामा प्रतिनिधि सभा सदस्यमा प्रधानमन्त्री एवं कांग्रेस सभापति शेरबहादुर देउवा उठ्ने निश्चितै थियो । प्रदेश सदस्यको भागबण्डामा एउटा कांग्रेसले लियो, अर्को माओवादी केन्द्रले ।
