दाङमा करिब ६२ प्रतिशत मत खसेको छ। तीन वटा निर्वाचन क्षेत्रमा गरी ६२ प्रतिशत मत खसेको लुम्बिनी प्रदेश निर्वाचन कार्यालय दाङले जनाएको छ।
जिल्लामा कुल ४ लाख १५ हजार ६ सय ९८ जना मतदाता मध्ये २ लाख ६० हजार ५४६ मतदाताले मतदान गरेका छन्। जसमध्ये सबैभन्दा धेरै निर्वाचन क्षेत्र नम्बर ३ मा ६१ प्रतिशत मत खसेको प्रदेश निर्वाचन कार्यालयले जनाएको छ।
निर्वाचन क्षेत्र नम्बर ३ मा १ लाख ४६ हजार ४७५ मतदाता मध्ये ९० हजार १५० जनाले मतदान गरेका छन्। जुन ६१ दशमलव ५४ प्रतिशत हो। निर्वाचन क्षेत्र नम्बर २ मा १ लाख ३३ हजार ७४८ मतदाता मध्ये ७९ हजार ४४६ जनाले मतदान गरेका छन्। जुन ५९ दशमलव ३९ प्रतिशत हो।
यस्तै क्षेत्र नम्बर १ मा १ लाख ३४ हजार ७३३ मतदाता मध्ये ८० हजार ७ सय जनाले मतदान गरेका छन्। जुन ५९ दशमलवग ८९ प्रतिशत हो। यसैगरी अस्थायी मतदान केन्द्र कारागार कार्यालय तुलसीपुरमा ३१४ मतदाता मध्ये १३६ जनाले र अस्थायी मतदान केन्द्र कारागार कार्यालय घोराहीमा ४२८ मतदाता मध्ये १११ जनाले मतदान गरेको प्रदेश निर्वाचन कार्यालयले जनाएको छ।
