कुनै पनि विषयको प्राविधिक पढाई आधुनिक शैक्षिक रुपान्तरण तथा रोजगारी सुनिश्चिताको आधार भनेर अभिभावक तथा विद्यार्थीहरुले बुझ्ने गरेका छन् । अबको शिक्षा प्रणालीको रुपान्तरण प्राविधिक धारको पढाईले मात्र शिक्षा क्षेत्रमा आमूल परिवर्तन ल्याउने कुरामा शैक्षिक क्षेत्र विश्वस्त रहेको पाइन्छ ।
प्लस टु विज्ञान संकाय पढ्दै गर्दा र पढिसकेपछि अभिभावकका भविष्यका सपना र विद्यार्थीका वर्तमान कल्पना एकापसमा समायोजन गर्दै सुनौलो संसारको परिकल्पना बोकिरहेका हुन्छन् । एसइइ लगत्तै अभिभावकहरुले आफ्ना हरेक चिनेजानेका आफन्तसँग सोध्ने पहिलो प्रश्न हुन्छ कि म मेरो बच्चालाई के पढाऊँ ?
