नेपाल पञ्चाङ्ग निर्णायक समितिले दिएको साइतमा यस वर्षको इन्द्रजात्राका लागि लिङ्गो नगर प्रवेश गराइएको छ।
समितिले दिएको साइत अनुसार आज बिहान ७ :२४ बजे भोटाहिटीबाट लिङ्गो नगर प्रवेश गराइएको गुठी संस्थानले जानकारी दिएको छ।गत सोमबार बिहान ९: १७ बजे वनयात्रा गरी बेलुका ८: ९ बजे लिङ्गोका लागि रुख काटिएको थियो।
लिङ्गोलाई भदौ २२ गते बुधबार बिहान ७ :१७ बजे इन्द्रध्वजोत्थान गरिने समितिले जनाएको छ। समितिका अनुसार इन्द्रध्वजोत्थान गरेपछि कुमारी यात्राको लागि शुक्रबार र शानिबार तल्लो टोल र माथिल्लो टोलबाट यात्रा हुने बताएको छ।
त्यस्तै भदौ २९ गते बुधबार नानिचा यात्रा गरिने छ भने सोही दिन राति ७ :३३ मा इन्द्रध्वज पातन अर्थात् लिङ्गो ढालिने छ ।
