मंगलबार साँझ भएको आईपीएल खेलमा सनराइजर्स हैदरावादले मुम्बई इन्डियन्सलाई ३ रनले पराजित गरेको छ।
पहिले ब्याटिङ गरेको सनराइजर्स हैदरावादले २० ओभरमा ६ विकेट गुमाएर १९३ रन बनाएको थियो। त्यसतै मुम्बईको टोलीले २० ओभरमा सात विकेट गुमाएर १९० रन मात्रै बनाएको हो।
हैदराबादको इनिङ्समा राहुल त्रिपाठीले ४४ बलमा तीन छक्का र नौ चौकाको मद्दतले ७६ रन बनाएका थिए।
प्रियम गर्गले २६ बलमा चार चौका र दुई छक्काको मद्दतले ४२ रन बनाए, भने निकोलस पूरनले २२ बलमा दुई चौका र तीन छक्काको मद्दतले ३८ रन बनाए।