प्रहरीले मकवानपुरको हेटौँडाबाट एक सय ८० किलो अवैध लागुऔषध गाँजा बरामद गरेको छ।
विशेष सूचनाको आधारमा ईलाका प्रहरी कार्यालय मनहरीबाट खटिएको टोलीले मनहरी गाउँपालिका-७ को सडकखण्डबाट उक्त गाँजा बरामद गरेको हो।
चैनपुरबाट हेटौँडातर्फ आउँदै गरेको बा ७ च १६०६ नम्बरको पिकअप गाडीबाट उक्त गाँजा बरामद गरिएको प्रहरीले जनाएको छ।
प्रहरीले गाँजासँगै हेटौँडा उपमहानगरपालिका-१६का बुद्धिमान वाइबा,अर्जुन स्याङतान र बिनोद पाख्रिनलाई नियन्त्रणमा लिएको छ।
पक्राउ परेका तीनै जनालाई थुनामा राखी आवश्यक अनुसन्धान अघि बढाइएको प्रहरीले जनाएको छ।
.JPG)
