युक्रेनविरूद्ध रूसी हमलामा बेलायती राजकुमार विलियम र उनकी पत्नी डचेस अफ केम्ब्रिज केटले युक्रेनको समर्थन गरेका छन्। एउटा ट्विट राजकुमार विलियम र डचेस अफ केम्ब्रिज केटले आफूहरू हालै भएको युक्रेन भ्रमणको समेत स्मरण गरेका छन्।
‘भविष्यका लागि उनीहरू लडाइँ गरिरहेका बेला हामी राष्ट्रपति र युक्रेनी जनताको पक्षमा उभिएका छौ,’ उनले ट्विट गरेका छन्। सन् २०२० को अक्टोबरमा आफूहरूले राष्ट्रपति भोलोदिमिर जलेन्स्की र प्रथम महिलासँग भएको रमाइलो भेटघाटसमेत उनले स्मरण गरेका छन्।
उत्तर एटलान्टिक सन्धि संगठन नेटोको सदस्य राष्ट्र बेलायत युक्रेनमा हाल भइरहेको रूसी हमलाको विरोधी गरिरहेका पश्चिमा साझेधार राष्ट्रहरूमा महत्वपूर्ण सदस्य हो।
