नेकपाका ‘एकीकृत’ लगायत विभाजित सबै घटकका माओवादीले फागुन १ गते ‘२७ औँ जनयुद्ध दिवस’ मनाए। यसका मुख्य कमान्डरका रूपमा हिंसा हाँकेका ‘बादल’, टोपबहादुर, प्रभु, मणिलगायतका १४ नवएमाले नेताहरू भने यो दिवस मनाउन कतै गएका देखिएन।
यो कसरी ‘जनयुद्ध’ भयो, त्यो पनि यसका आयोजकलाई नै आजसम्म थाहा भएजस्तो लागेन। राजनीतिक दलविशेषको कारण र आह्वानमा नेपालको इतिहासमै सबभन्दा धेरै नरसंहार भएको कारणले हो कि, यसको लक्ष प्राप्तिका लागि जनतालाई बली चढाएकाले ‘जनयुद्ध’ भनिएको हो?
