अफगानिस्तानको काबुल हेरात, फर्याब, लाघमान र नान्गाहार प्रान्तहरूमा गत हप्तामा भएका छुट्टाछुट्टै घटनाहरूमा कम्तीमा ३२ जनाको मृत्यु हुनाको साथै अन्य १६ जना घाइते भएको, स्थानीय सञ्चारमाध्यमले आइतबार  जनाएका छन्।

रिपोर्ट अनुसार अज्ञात व्यक्तिहरूले हार्टमा एक मनी चेन्जरको हत्या गरेका छन् र लघमानमा एकै परिवारका पाँच सदस्यको मृत्यु भएको छ।त्यसैगरी  नान्गाहारको लालपुरा जिल्लामा दुई विष्फोटमा नौ विद्यार्थी र दुई महिलाको मृत्यु भएको छ भने चार बालबालिका र एक महिला घाइते भएका छन्।काबुलमा, एक परिवारले बताएअनुसार १३ औं प्रहरी जिल्लाको सीमामा रहेको चेकपोस्टमा गोली चल्दा छोरी मारिएको पजवोक अफगान समाचारले बताएको छफर्याबको बालचर्ग जिल्लामा दुई समूहबीच झडप हुँदा दुई जनाको मृत्यु भएको छ भने तीन जना घाइते भएका छन्।

मैमनामा सुरक्षाकर्मीबीचको गोली हानाहानमा एक जनाको मृत्यु भएको छ भने अर्का एक जना घाइते भएका छन्। आन्दोलनले हिंसात्मक रुप लिँदा मैमानामा एक जनाको मृत्यु भएको छ भने अन्य चार जना घाइते भएका छन्रिपोर्टहरूका अनुसार गत हप्ता राजधानी काबुलमा दुईवटा विष्फोट भएका थिए जसमा दुई सर्वसाधारण घाइते भएका थिए।