प्रधानन्यायाधीश चोलेन्द्रशमशेर जबराले आह्वान गरेका अदालतको पूर्ण बैठक बहिष्कार गरे न्यायाधीशहरूले। उनीहरूले प्रधानन्यायाधीशप्रति सरकार विस्तारमा भाग खोजेको, न्यायपालिकाको स्वतन्त्रता र अखण्डतालाई कमजोर बनाएको आरोप लगाउँदै उनले राजीनामा दिनुपर्ने माग राख्दै इजलाशसमेत बहिष्कार गर्दै आइरहेका छन्।
नेपाल बार एसोसिएसनले प्रधानन्यायाधीशको बहिर्गमनका लागि दबाब दिँदै देशव्यापी आन्दोलन गर्दै आइरहेको छ। यद्यपि यस विषयमा सबै कानुन व्यवसायीमा मात्रै नभई बारको विद्यमान कार्यसमितिमा समेत एकमत छैन।
मूलतः अहिलेको न्यायिक जटिलता उत्पन्न हुनुपछाडि न्यायालयभित्र व्यापक विकृति,अनियमितता, भ्रष्टाचार एवं बिचौलियाको चलखेल छ भन्ने यथार्थ शंकारहित छ। यसै विषयलाई लिएर न्यायाधीश हरिकृष्ण कार्की संयोजकत्वको समितिले समेत त्यही निष्कर्ष निकाली प्रतिवेदन दिएको छ। यसलाई कार्यान्वयन गर्न बहालवाला न्यायाधीश, पूर्वप्रधानन्यायाधीश एवं न्यायाधीशले आवाज उठाइरहेका छन।
