दक्षिण भारतीय चलचित्र क्षेत्रका चर्चित अभिनेता थालापथी विजयले आफ्नै आमाबुबाविरुद्ध अदालतमा मुद्दा दायर गरेका छन्।
आफ्नो नामको दुरुपयोग गरेको भन्दै उनले बाबुलाई मुद्दा हालेका हुन्। निर्देशकसमेत रहेका एसए चन्द्रशेखर र आमा शोभासहित ११ जनाविरुद्ध मुद्दा दायर गरेको गरेको भारतीय सञ्चार माध्यमले जनाएका छन्।
बाबु-आमाले आफू राजनीति आउन लागेको भ्रम फैलाएपछि विजयले मुद्दा हालेकाे बताइएकाे छ। एसए चन्द्रशेखरले छोरा राजनीतिमा आउन लागेको र पार्टीसमेत गठन गर्न लागेको बताएका थिए।
साथै उनका पिताले उद्घोष गर्दै पार्टीका सभापति पद्मनाभन, आमा कोषाध्यक्ष र आफू महासचिव रहेको दाबी पनि गरेका थिए।
