लक्ष्मी जि.सी
एथलेटिक्सकी सरस्वती चौधरीले शुक्रबार महिला १ सय मिटर दौडमा स्पर्धा गरेसँगै टोक्यो ओलम्पिक–२०२० मा नेपालको औपचारिक सहभागिता सकिएको छ। खेलकुदको महाकुम्भ ३२ औँ गृष्मकालीन ओलम्पिकमा नेपालको तर्फबाट ५ खेलाडीले ४ खेलमा स्पर्धा गरेका थिए।
सन् १९६४ देखि ओलम्पिकमा सहभागी भएको नेपालको सहभागिता अहिलेसम्म औपचारिकतामै सीमित भइरहेको छ। नेपालमा खासगरी २००४ को एथेन्स ओलम्पिकपछि यसको चर्चा हुन थालेको हो।
तेक्वान्दो खेलाडी संगीना वैद्यले छनोट चरण पार गरेर ओलम्पिक खेलेपछि नेपालमा चर्चा बटुल्न थालेको हो। नेपालबाट अहिलेसम्म तेक्वान्दोका संगीना र दीपक विष्टले मात्रै छनोट चरण पार गरेर ओलम्पिक खेलेका छन्। त्यसअघि र पछिका कुनै खेलाडीले छनोट चरण पार गर्न सकेका छैनन्।
