सुरज घिमिरे-
गत एक वर्षमा सचिन परियारको नाम नसुन्ने या उनका भिडियो नदेख्ने कमै हुनुहुन्छ होला। सचिन उमेरले भर्खर ९ वर्षका भए तर उनी देशभर भाइरल छन्। दुर्गम गाउँको विपन्न परिवारका यी साना बालक अभावबिच हुर्किरहेका थिए। उनले परिवारको आर्थिक अवस्थाको कारण कक्षा दुईमा पढ्दापढ्दै स्कूल छाड्नु पर्यो।
पहिलो पटक सचिनलाई आम बालकबाट चर्चित बनायो एक युट्युब च्यानलले। उक्त च्यानलमार्फत् सचिनको कला धेरैले चिने, अभाव र दु:ख देखे। च्यानल सञ्चालकले उनको परिवारलाई आर्थिक सहयोगसमेत गरे। पहिलो भिडियोपछि उनलाई खोज्दै अरु थुप्रै युट्युब च्यानलहरू पुगे। रातारात सचिन भाइरल भए। युट्युबरहरूले सचिनको परिवारलाई सानो आकारको व्यापार सुरु गर्नका लागि सहयोगसमेत गरे। उनको कलाको चर्चा यति भयो कि काठमाडौंस्थित एक गैर-सरकारी संस्थाले उनको पढाई खर्च व्यहोर्ने भयो।
युट्युब च्यानलमात्र होइन राष्ट्रिय टेलिभिजन च्यानलमार्फत् पनि उनको प्रचार भयो। तर, चर्चाले मात्र सबै कुरा सरल र सहज कहाँ बन्थ्यो र?
