गण्डकीको नयाँ सरकारले पूर्वमुखमन्त्रीलाई सम्मान दिने ऐन बनाउने भएको छ। आइतबार बसेको मन्त्रिपरिषद्को पहिलो बैठकले पूर्वमुख्यमन्त्रीलाई सम्मान दिन ऐन बनाउने निर्णय गरेको हो।
हिजो गठन भएको ५ सदस्यीय मन्त्रिपरिषद् बैठकले कुमार खड्कालाई सरकारको प्रवक्तको रुपमा तोकेको छ। मन्त्रालय बाँडफाँड र थप जिम्मेवारी भने तोकिएको छैन।
नयाँ सरकारको प्रवक्ताको जिम्मेवारी पाएका कुमार खड्काले केन्द्रमा जस्तै प्रदेशमा पनि पूर्वमुख्यमन्त्रीलाई सम्मान दिन ऐन बनाउने निर्णय आज बसेको मन्त्रिपरिषद्को बैठकले गरेको जानकारी दिए।
बजेट र नीति तथा कार्यक्रम पनि चाडै ल्याउनुपर्ने भएकाले पहिला त्यतातिर केन्द्रित हुने उनले बताए। उनले बजेट ल्याउन पूर्वमुख्यमन्त्री गुरुङसँग छलफल गर्ने बताए। स्वतन्त्र सांसद दीपक मनाङेसहित जसपाका हरिशरण आचार्य, कुमार खड्का र मधु अधिकारी बिना विभागीय मन्त्रीमा नियुक्त भई सकेका छन्।
