गण्डकी प्रदेशका नवनियुक्त मुख्यमन्त्री र मन्त्रीले शपथ लिएका छन्। नवनियुक्त मुख्यमन्त्री कृष्णचन्द्र नेपाली पोखरेलसहित पाँच मन्त्रीलाई प्रदेश प्रमुख सीताकुमारी पौडेलले शपथ खुवाएकी हुन्।
मन्त्रीमा कांग्रेसका कुमार खड्का, माओवादीकी मधुमाया अधिकारी, जनता समाजवादी पार्टीका हरिशरण आचार्य र स्वतन्त्र सांसद राजीव गुरुङ (दीपक मनाङे) ले मन्त्रीको शपथ लिएका हुन्।
उनीहरुले बिना विभागीय मन्त्रीको रुपमा शपथ लिएका हुन्। तत्काललाई ११ वटै मन्त्रालय मुख्यमन्त्री पोखरेलले आफैँसँग राखेका छन्।
