सरकारले आगामी तीन वर्षभित्र मेलम्ची आयोजनामार्फत् याङग्री र लार्के नदीको पानी पनि काठमाडौंमा खानेपानीका रुपमा ल्याउन बजेट विनियोजन गरेको छ।
अर्थमन्त्री विष्णु पौडेलले त्यसका लागि ३ अर्ब ५१ करोड रुपैयाँ बजेट विनियोजन गरिएको जानकारी दिए।
अर्थमन्त्री विष्णु पौडेलले आगामी आर्थिक वर्षको बजेटमार्फत् आगामी तीन वर्षभित्र याङग्री र लार्के नदीको दैनिक ३४ करोड लिटर पानी काठमाडौं आउने गरी कार्यक्रम तय गरिएको बताए।
सो आयोजनाको सुरुङ मार्ग निर्माणको काम आगामी आर्थिक वर्षभित्रै आरम्भ गरिनेछ। सरकारले उपत्यकाको एक लाख १० हजार घर धुरीमा मेलम्चीको पानी वितरण गर्ने योजना पनि बजेटमा समावेश गरेको छ।
