दिल्लीस्थित नेपाली दूतावासले भारतमा रहेका नेपालीहरुलाई कोरोना संक्रमणबाट सावधानी अपनाउन अनुरोध गरेको छ।
दूतावासले मंगलबार विज्ञप्ति जारी गर्दै संक्रमण बढिरहेकाले अत्यावश्यक काममा बाहेक घरबाट बाहिर ननिस्कन, भीडभाड र भेटघाटमा सामाजिक दूरी अपनाउन समेत आग्रह गरेको छ।
कोरोना भाइरसको संक्रमणबाट जोगिन थप सतर्कता अपनाउने सम्बन्धी केही निर्देशनहरू जारी गरेको विज्ञप्तिमा जनाइएको छ।
