भारतको छत्तिसगढमा नक्सलवादीसँग भएको भिडन्तमा हालसम्म २२ सुरक्षाकर्मीको निधन भएको तथ्य बाहिर आएको छ।
शनिबार छत्तिसगढको बस्तरस्थित बिजापुरमा ७ सय सुरक्षाकर्मीलाई घेरेर नक्सलीहरू आक्रमण गरेका थिए। यो घटनामा ३० जना मारिएको आशंका गरिएको छ।
विजापुरको तर्रेम क्षेत्रमा रहेको जोनागुडाको पहाडी क्षेत्र नक्सलीहरूको गढ मानिन्छ। यहाँ अहिलेसम्म अर्धसैनिक बलको रेस्क्यु टिम पुग्न सकेको छैन।
सुरक्षाकर्मीलाई २० दिनअघि नै ठूलो मात्रामा यो स्थानमा नक्सलीहरू आएको सूचना प्राप्त भएको थियो। तर, राम्रो योजना बनाउन नसक्दा घटना भएको भारतीय अखबारले बताएका छन्।
जोनागुडाको पहाडी क्षेत्रमा सुरक्षाकर्मी र नक्सलीबीच तीन घण्टा मुठभेड भएको थियो।
