दोलखाको वैत्येश्वर गाउँपालिका–६ नाम्दुमा बोलेरोले किचेर एक जनाको मृत्यु भएको छ। 

मृत्यु हुनेमा नाम्दुका ४० वर्षीय बद्री थामी रहेका छन्। उनको घटनास्थलमा नै मृत्यु भएको दोलखाका प्रहरी प्रमुख भेषराज रिजालले जानकारी दिए। 

यात्रु लिएर नाम्दुको पैयूँखोलाको भित्री सडकमा गएको वा१४च ९९९३ नंको बोलेरोको सापटक भाँचिएपछि यात्रुहरु ओर्लिएको र सोही क्रममा रोकेको बोलेरोमा ओत लगाउँदै गर्दा बोलेरो गुडेर बद्रीको मृत्यु भएको हो। 

शवपरीक्षणका लागि चरीकोट ल्याइएको र घटनाको थप अनुसन्धान भइरहेको दोलखा प्रहरी प्रमुख प्रहरी नायब उपरीक्षक भेषराज रिजालले जानकारी दिए।