बलिउड नायिका दीपिका पादुकोणले हालै एउटा जिन्स कम्पनीकी ग्लोबल ब्रान्ड एम्बेसेडर बनेकी छिन्। तर यो कुराले विवाद निम्ताएको छ।
विवाद निम्त्याउने पात्र कंगना रनौत हुन्। कंगनाले दीपिकाको नाम त लिएकी छैनन् तर उनीमाथि निशाना लगाएकी छन्।
रनौतले आफ्नो ट्वीटमा लेखेकी छन्, ‘यी महिलाले आफ्नो व्यक्तित्व मात्रै झल्काएका छैनन्, आफ्नो पुरा सभ्यता, संस्कृपत र राष्ट्रलाई पनि प्रतिनिधित्व गरे। आजको समयमा यस्ता सफलता पाउने व्यक्तिहरुको तस्बिर खिचिन्छ जो फाटेको जिन्स र रुमालजस्तो ब्लाउज देखाउँछन् जसले अमेरिकी मार्केटिङबाहेक कसैलाई पनि प्रतिनिधित्व गर्दैनन्।’
कंगनाले यो पोस्टमा तीन महिलाको तस्बिर सेयर गरेकी छिन् जो भारत, जापान र सिरियाका बताइएका छन्। कंगनाको यो पोस्टले पछिल्लो समय भारतिय सञ्चारमाध्यमहरुमा चर्चा पाईरहेको छ।
उनको पोष्टबाट यो पनि अनुमान लगाउन सकिन्छ की उनले दीपिकालाई कटाक्ष गरेकी छन्।
