लामो समयदेखि मिडियाबाट टाढा रहेका बसेका राजपरिवारको फोटोहरु कहिलेकाही आक्कल झुक्कल सामाजिक सञ्जालमा देखिरहन्छन्।
केहि समय पहिले काठमान्डौको त्रिसरा रेष्टुरान्टमा पुगेका पूर्वराजा ज्ञानेन्द्र शाह र पूर्वयुवराज्ञी हिमानी शाहको फोटोले राम्रै चर्चा पाएको थियो।
बेलाबेला विभिन्न कारणले चर्चामा आईरहने पूर्वयुवराज पारस शाह हिजोआज शान्तै छन्। बरु यतिबेला फेरी पूर्वराजा ज्ञानेन्द्र शाह र पूर्वरानी कोमल राज्य लक्ष्मी शाहले नाचेको भिडियो फुटेजले 'सामाजिक सञ्जाल'मा राम्रै चर्चा पाईरहेको छ।
झापाको एक होटेलमा पूर्व रानी कोमलको ७१ औं जन्मोत्सवका अवसरमा राजपरिवारका सदस्यहरुले फागुनको ७ गते साँझ ग्यादरिगं पार्टी आयोजना गरेका थिए। उक्त पार्टीमा पूर्व राजा र पूर्व रानी नाचेको भिडियो यतिबेला भाइरल बनेको छ।
भिडियोमा चाँदनी शाहको शब्द र तारादेवीको स्वर रहेको ‘शुभकामना भरी हरेक स्वासमा तिम्रो दीर्घायुको कामना गर्न सकुँ म’ गीतमा पूर्वराजा र रानीले हात समाएर नाचेको दृश्य देख्न सकिन्छ।
भिडियोमा उनीहरुको छेवैमा ज्ञानेन्द्रका ९२ वर्षीष आमापनि देखिएकी छन्। भिडियोमा उनीहरुको नाचसँगै खुशी र रोमाञ्चकको भाव प्रकट भएको छ।
