इंग्लिस प्रिमियर लिगमा चेल्सी बराबरीमा रोकिएको छ।
साउथह्याम्टनको घरेलु मैदान सेन्ट मेरीज स्टेडियममा शनिबार राति भएको खेलमा चेल्सी १-१ को बराबरीमा रोकिएको हो।
साउथह्याम्टनका ताकुमी मिनामिनोले गोल गर्दा चेल्सीका मासन माउन्टले पेनाल्टीमार्फत बराबरी गोल फर्काएका थिए। उथह्याम्टनले खेलको ३३औं मिनेटमा मिनामिनोको गोलबाट पहिलो हाफमा १-० को अग्रता लिएको थियो।
५४औं मिनेटमा मासन माउन्टले पेनाल्टीमार्फत बराबरी गोल फर्काए। बराबरीसँगै चेल्सी २५ खेलबाट ४३ अंक जोडेर चौथो स्थानमा यथावत रहेको छ ।
साउथह्याम्टन २४ खेलबाट ३० अंक जोडेर १३औं स्थानमा छ।
