साविक विजेता वायर्न म्युनिख जर्मन बुन्डेसलिगा फुटबलमा पराजित भएको छ।
शनिबार राति भएको खेलमा वायर्न फ्रान्कफर्टसँग २-१ गोल अन्तरले पराजित भएको हो। घरेलु मैदानमा फ्रान्कफर्टलाई जित दिलाउन दाइची कामडा र अमिन यूनेसले एक-एक गोल गरे।
वायर्नका रोबर्ट लेवान्डोस्कीले एक गोल फर्काए। खेलको १२ औं मिनेटमा कामडाले गोल गर्दै अग्रता दिलाएका थिए।
३१ औं मिनेटमा अमिनले गोल फ्रान्कफर्टले २-० को अग्रता बनायो। ५३ औं मिनेटमा लेवान्डोस्कीले एक गोल फर्काएपनि टिमलाई हारबाट जोगाउन सकेनन्।
यो हारसँगै वायर्न शीर्ष स्थानमा यथावत रहेको छ। वायर्नले २२ खेलमा ४९ अंक जोडेको छ।
फ्रान्कफर्ट ४२ अंक जोडेर चौंथो स्थानमा उक्लिएको छ ।
